CELLO 360º

Christian-Pierre La Marca Biolontxeloa

Yaman Okur, dantza urbanoa

Jean-Philippe Rameau 1683-1764: Les Sauvages | Nouvelles Suites de pièces de clavecin

Marin Marais 1656-1728: Les Folies d’Espagne | Deuxième Livre de pièces de viole

Henry Purcell 1659-95: Lamento de Dido | Dido and Aeneas

John Dowland 1563-1626: Lachrimae Antiquae | Lachrimae or Seaven Teares

Johann-Sebastian Bach 1685-1750: Suite para violonchelo solo núm.1 BWV 1007

Pablo Casals 1876-1973: «El cant dels ocells»

György Ligeti 1923-2006: I Dialogo. II Capriccio / Sonata for Cello Solo

Marin Marais 1656-1728: «Les voix humaines» | Deuxième Livre de pièces de viole

Charles Chaplin 1889-1977: «Love Theme» | Modern Times

The Beatles – John Lennon 1940-1980 – Paul McCartney b.1942: «Yesterday»

Giovanni Sollima b.1962: Lamentatio

OHARRA
Musika-Música #pre2023 egitarauaren antolatzaileekin zerikusirik ez duten arrazoiengatik –Yaman Okur dantzariaren ondoez bategatik–, Cello 360º emanaldia dantzarik gabe eskainiko da. Barkatu eragozpenak

GONBIDAPENAK

Abenduaren 9tik 15era —16:00etatik 19:00etara bitartean— etor zaitezke gonbidapenen bila Azkuna Zentroa Alhóndiga Bilbaora.
Bi gonbidapen emango dizkizugu pertsona eta kontzertu bakoitzeko.

Egitarauren oharrak

«Errezital oso berritzailea, benetan!» BBC Radio 3

«Ezin da ulertu nola sortu daitekeen entzunaldi bakar batean La Marcak aurkeztutako programak sortzen duen lilura, bai biolontxelo-jotzaile gisa, bai musikari gisa, zentzurik zabalenean hartuta», Gramophone Magazine

«Cello 360º lanean, Christian-Pierre La Marcak, eremu orotako artista dela erakusteaz gainera, ahots ikaragarria duela ere erakusten du!» Rondo Magazine

«Proiektu distiratsua. Ñabarduretan duen malgutasuna, proposamenaren samurtasuna, birtuosismoaren sendotasuna eta arku beraren eremuan ahots batzuk biltzen dituzten piezen originaltasuna direla eta, instrumentu ugariren bidez egindako lan arrakastatsu eta berezienen maila berean kokatzen da azken disko hau». Le temps

Christian-Pierre La Marcak gozatu egiten du generoen eta garai historikoen arteko mugak ezabatzen Cello 360º programan, bai barrokoa edo garai klasikoa, bai zinemako musika, popa eta musika elektronikoa barne hartuta.

Biolontxelo-jotzaileak kontzertu honetan baliatutako bitarteko teknikoen eta interpretaziozkoen aniztasunari —pista anitzeko grabazioak, bere ahotsaren erabilera edo Marin Maraisen lanetatik Giovanni Sollimaren musikaraino doan errepertorio zabala—, Yaman Okuren dantza urbanoa gehitzen zaio. Breakdancearen munduko erreferente nagusietako bat da Yaman. Jatorri turkiarra duen frantziar dantzari eta koreografoak modu pertsonalean itzultzen ditu dantzaren hizkuntzara kontzertu honetan aurkeztutako obretako batzuei lotutako afektuak.

Canción sin palabras lanaren kontzeptu erromantikoa emulatuz, hainbat testuren inspirazioa ere batuko zaio kontzertu honi: XVI. mendearen hasierako kanta ingelesak; Nahum Tate irlandar poetaren bertsoak, zeinen gainean eraiki baitziren Purcellen Dido and Eneas; El Cant dels Ocells herri-kanta, edo The Beatlesen Yesterday, belaunaldi oso baten iruditeria markatu zuten testuetako bat.

Cello 360º: https://www.youtube.com/watch?v=CWo7zQBwJpA&t=23