“Gaueko beste garaile handia Lukasz Borowicz orkestra zuzendari poloniarra izan zen. Bere gidaritza bizi, malgu eta seguruak opera honen obertura bikaina nabarmentzen lagundu zuen. Horretan, musikaren bidez trama osoa laburbiltzen du Moniuszkok. Besteak beste, Halkaren mina irudikatzen du flauta eta klarinete bidezko hasierako interpretazio berezi horrekin. Tempoaren erabileran eta ahotsen akonpainamenduan ere lan ezin hobea egin zuen Borowiczek. Eta dantzetan ere nabarmendu zen”
(El País, 2023. HALKA Operaren kritika Madrilgo Errege Antzokian)
Poznausko Filarmonikako musika zuzendaria da, baita Krakoviako Filarmonikako zuzendari gonbidatu nagusia ere. Bere belaunaldiko zuzendari moldakorrenetako bat da eta opera zuzentzen du. Horrekin batera, sari ugari jaso ditu egindako 120 grabazio baino gehiagorengatik. 2007tik 2015era Varsoviako Poloniako Irratiko Orkestra Sinfonikoko zuzendari nagusia izan zen, eta 2006tik 2021era Poznaovako Filarmonikako zuzendari gonbidatu nagusia.
Honako hauekin grabatu du: Israelgo Filarmonikoa, Londresko Orkestra Filarmonikoa, BBCko Eskoziako Orkestra Sinfonikoa, Akademie für Alte Musik, RIAS Kammerchor, WDR Sinfonieorchester, Berlingo Deutsche Symphonie-Orchester, Errege Antzokiko Orkestra Titularra, Parisko Operako Orkestra eta Los Angelesko Filarmonikoko New Music Group. Horretaz gain, beste hainbat orkestra eta talderekin aritu da, Poloniako sinfonika nagusiak barne. Grabazioei esker lau Diapason d ‘Or sari eta bi ICMA sari (2015 eta 2018) jaso ditu Borowiczek.
