Oso formatu malguarekin, eta ganbera-musika eta orkestra-musika lantzen ditu, eta operako eta oratorioko musika interpretatzen ditu, solista eta zuzendari gonbidatuekin batera.
Spagnak jorratutako estiloak askotarikoak dira, Errenazimentutik lehen Erromantizismorainokoak —XXI. mendeko musikan sartu-irten batzuk ere eginez—, nahiz eta Barrokoan ardazten duen bere jardueraren zatirik handiena. Aniztasun horrek beti printzipio bera du xede: errepertorio bakoitzaren ikuspegi historiko eta soziala errespetatuko dituen interpretazio sutsu, fidagarri eta zintzoa eskaintzea.
Europako eta Amerikako hainbat herrialdetan jardun du, hala nola Musika Auditorio Nazionaleko Areto Sinfonikoan, Errege Jauregian eta Diputatuen Kongresuan, bai eta Espainiako jaialdi nagusietan ere, hala nola Santanderreko Jaialdian, Sevillako Antzinako Musika Jaialdian eta Arte Sakratuaren Nazioarteko Jaialdian.
