Honela deskribatzen dute Christopher Lowrey kontratenor estatubatuarra: «Gure garaiko opera-kontratenorretako bat, gaitasun dramatiko eta bokalagatik nabarmentzen dena; tonu argia, ozena eta malgua du»
(Bachtrack)
Goraipatu egin dute «haren interpretazio adierazkor eta liluragarriagatik… haren artikulazio argi eta presentzia eszeniko sendoagatik» (OperaWire). Goxotasun estatubatuarra eta fintasun nabarmenki britainiarra uztartzen ditu.
Munduko areto eta orkestra nagusi askorekin aritu da: Metropolitan Opera, Royal Opera House, Glyndebourne Festival, BBC Proms, Errege Antzokia, La Fenice edo Parisko Philharmonie.
Lowreyren diskografia gero eta mardulagoak barnean hartzen ditu Händel, Vivaldi, Monteverdi eta Bernstein. Kritikariek txalotu egin dituzte haren kantu «kementsua, bikaina… ahoskera apartekoa… eta haren presentzia eszeniko sendoa» (Limelight Magazine).
Rhode Islanden egoitza duen Ensemble Altera ganbera-abesbatzaren sortzailea eta zuzendari artistikoa da. The Lamb’s Journey estreinako albumak Alemaniako Kritika Diskografikoaren saria eskuratu zuen, eta «azkenaldiko debut diskografikorik ikusgarrienen artean» sailkatu zuten.
