“Ainhoa Zubillagak entzuleak konkistatu zituen bere sentikortasunaren bidez… Erabateko isiltasuna lagun izan zuen, musika hutsari Musikverein aretoa inbaditzen uzteko.”
EL DIARIO VASCO
Munduko toki askotako (Austria, Brasil, Kuba, Espainia, Frantzia, Britainia Handia, Herbehereak, Mexiko, Polonia, Txekiar Errepublika) jaialdi, ziklo, antzoki eta auditoriumetako oholtzetan agertu da, orkestra ospetsuen aurrean (Errusiako, Letoniako eta Lyoneko Orkestra Nazionalak; Frantziako Tolosako Kapitolioko Orkestra; Vienako, Galiziako, Balearretako, Bilboko, Euskadiko eta Asturias Printzerriko Orkestra Sinfonikoak; Galiziako Real Philarmonia, RTVE, Kanaria Handiko eta Malagako Orkestra Filarmonikoak, Granadako Orkestra Barrokoa…), agertokia artista handiekin partekatuz (Álvarez, Bros, Burchuladze, Gavanelli, Gustafson, Hendrick, Jaho, Kunde, Machado, Millgramm, Montagüe, Moreno, Mosuc, Neves, Nuci, O’Neill, Pieczonka, Prokina, Rucinski, Rydl, Streit, Zajick…), maisu handien zuzendaritzapean (Ceccato, Gómez Martínez, Griffiths, Guerrero, Kout, López Cobos, Mena, Victor Pablo Pérez, Pletnev, Pons, Ros Marbá, So, Traub, Wilson…).
Operaren alorrean, ABAO-OLBEren hainbat ekoizpen-lan aipa daitezke partaide izan dutenen artean: G. Verdiren Rigoletto, I Vespri Siciliani eta La Traviata; R. Straussen Der Rosenkavalier —Arrosaren zalduna—; L. Janaceken Jenufa, eta G. Pucciniren Suor Angelica eta Gianni Schicchi. Gainera, askotariko emanaldiak eskaini ditu Donostiako Hamabostaldian (G. Verdiren Rigoletto, «Tutto Verdi» gala eta S. Rachmaninoven Aleko, kontzertu-bertsioan); Las Palmaseko opera-denboraldian (R. Straussen Ariadne auf Naxos); Malagako Cervantes antzokian (Ch. Gounoden Romeo et Juliette eta Fausto, eta L. Janaceken Jenufa); Madrilgo Errege Antzokian (M. de Fallaren La Vida Breve); Lyongo auditoriumean (M. de Fallaren La Vida Breve, kontzertu-bertsioan); Bartzelonako Palau de la Músican (opera- eta zarzuela-gala); Rioja Forum auditoriumean (opera- eta zarzuela-gala), eta Musikverein antzokiko urrezko aretoan (opera- eta zarzuela-gala). Era berean, Purcellen Dido eta Eneas opera taularatu du hainbat agertokitan, eta P. Sorozabalen Katiuska zarzuela Bilboko Arriaga antzokian.
Errepertorio zabala dauka, bai errezitaletan eta bai kontzertu sinfoniko eta oratorioetan. Bakarlari gonbidatu gisa aritzen da antzinako musikako hainbat talderekin.
Disko ugari grabatu ditu hainbat zigilurentzat.
