“Bennewitz laukotea benetan zoragarria da. Berotasunaren eta argitasun objektiboaren arteko oreka ezin hobeari eusten dio”
(Gramophone)
Bennewitz laukotearen homogeneotasunak, perfekzio teknikoak eta sentiberatasun emozionalak gaur egungo hari-laukote onenetakotzat jotzen dute. Bere ospea nazioarteko bi lehiaketa ospetsutan lortutako garaipenek bermatzen dute: Osakako Lehiaketa 2005ean eta Paolo Borciani Lehiaketa 2008an. Txekiar Errepublikako musika-arloko sari garrantzitsuak ere jaso ditu taldeak, Ganbera Musikaren Txekiar Elkartearen Saria (2004) eta Ganbera Musikaren Interpretazio Onenaren Praga Klasikoaren Saria (2019).
Txekiar Errepublikako, Europako eta Ipar Amerikako auditorium nagusietan aritu ohi da, hala nola Wigmore-n Hallen, Musikverein-en Vienan, Konzerthaus-en Berlinen, Frick Collection-en New Yorken eta Salzburgoko eta Luzernako jaialdietan. Gainera, Jean-Yves Thibaudet, Alexander Melnikov eta Veronika Hagen bezalako interprete ospetsuekin aritu dira elkarlanean. Bere grabazioek kalifikazio onenak jaso dituzte prentsa espezializatuaren aldetik, adibidez, Gramophone-k eta The Strad-ek.
