“… soinuari esker, giro goxo eta leuna sortu zuen”
(El País)
Musika ikuspegi oro izan daiteke baliozkoa, baina erabilitako instrumentuak eta horiek interpretatzeko modua musikagilearen garaiko bizipenekin bat datozenean, nolabait, puzzlearen piezak bat datoz sinergia eztabaidaezin bat sortuz. Printzipio horretatik abiatuta, Josetxu Obregon biolontxelo jotzaile bilbotarrak La Ritirata sortu zuen, interpretazio historikoari eskainitako formazioa. Barrokoaren, Klasizismoaren eta lehen Erromantizismoaren errepertorioak berraurkitzea zen asmoa, biolontxeloa agertu zenetik interpretazio historiko eta modernoaren arteko lerroa Erromantizismoa amaitzean estutzen den arte. La Ritirata izena La Musica Notturna delle strade di Madrid boskotearen azken mugimendutik hartu du, Luigi Boccherini biolontxelo jotzaile eta konpositorearen omenez.
15 urteko ibilbidean, La Ritiratak 450 kontzertu baino gehiago eman ditu 4 kontinentetako 22 herrialdetan, eta Espainiako antzinako musika talderik sarituenetakoa da.
