“Les Dissonances oxigeno-burbuila bat da, askatasun-espazio bat”
(Le Monde)
David Grimal biolin-jotzaileak 2004an Les Dissonances sortu zuen, eta horrek Europako musikaren panoraman ohikoa ez den abentura paregabe baten hasiera ekarri zuen. Europako orkestretako musikariek, bakarlariek, ganbera-musikariek eta talentu gazteek indarrak batu zituzten elkarrekin musika egiteko beste modu batekin esperimentatzeko, XXI. mendeko orkestra-jardunaren inguruak birdefinituz eta musikarien arteko elkarrizketan musika-hizkuntza aztertuz, zuzendari baten bitartekaritzarik gabe. Talde moldakor hau laukote izatetik orkestra sinfoniko izatera pasatu da eta bere errepertorioaren diseinuan adimena, jakin-mina eta ausardia uztartzen ditu.
Urte hauetan zehar orkestrak egoitzak hainbat erakundetan izan ditu, hala nola Dijonen Operan eta Le Volcanen Le Havren, eta Parisko Philharmonien aritu izan da denboraldi bakoitzean. Horri esker, errepertorio sinfoniko handia interpretatu eta sakondu ahal izan du, eta bere lana Victoria Hall, Koningin Elisabethzaal, Valentziako Palau de la Música, George Enescu Auditorio Nazionaleko jaialdian eta Musika-Música aretoetan, besteak beste, ezagutzera eman da.
