“Oraingo honetan, iradokitzen zuten piezek eta berehalakotasunak definitu zuten Ensemble Moonwindsen kontzertua. Oso errepertorio egokia izan zen, konplexuak ziren abestiekin. Moonwinds bezalako talde batek daukan esperientzia, konpromisoa eta kontzentratzeko ahalmen handia eskatzen zituen abestien zorroztasunak”
(Juan Carlos Justiniano. Codalario, 2020)
Moonwinds Joan Enric Llunaren ekimenez sortu zen: haize-instrumentista ezagunak bildu zituen ganbera-musikako talde egonkor bat osatzeko. Haizezko instrumentuen ikuspegi berri bat entzuleengana hurbilduz, errepertorio klasikoa landu dute: Mozart, Haydn, Beethoven… Horrekin batera, Vicente Martín i Solerren musika berreskuratu dute. Bere errepertorioan erromantizismoko lan handiak ere badaude, besteak beste, ondoko musikarienak: Dvorak, Schubert, Mendelssohn eta Strauss. Horretaz gain, César Cano, Blai Soler eta Emilio Calandín bezalako konpositoreen lanak enkargatu eta estreinatu ditu, ondoko konpositoreen egungo errepertorioarekin batera: A. Part, Sir J. Tavener, J. Horovitz edo T. Hosokawa. Taldekideek ibilbide profesional eredugarria dute Europa osoko orkestra eta ikastetxe nabarmenetan. Moonwinds 2006an aurkeztu zen jendaurrean, Mozarti (Gran Partita) eta Martin y Solerri eskainitako lehen disko-lana kaleratuz. Bi disko gehiago ditu: Martin y Solerren Una cosa rara operaren transkripzioa eta W.A. Mozarten Serenatas. 2012/13an Bartzelonako Auditorioko talde egoiliarra izan zen. 2020an, Moonwinds Simfònic zeharkako proiektua aurkeztu zuen, lan pedagogikoa eta musikala uztartzen dituena.
