“Orkestraren titularra den Thierry Fischer-en begiradapean, OSCyLk ikusleen onarpena lortzen du: arkuaren kolpeek eta efektuek, itzelezko piano-emanaldiek, xelebrekeriatan erori gabe, jatorrizko modernitatea duen zentzu piktorikoa nabarmentzen dute. Ahots gabe geratu arte egon ahal izan gara “bikain-bikain”, “biba zuek” … botatzen”
(Enrique García Revilla, Scherzo, 2023)
Gaztela eta Leongo Orkestra Sinfonikoa 1991n sortu zen eta 2007tik Valladolideko Miguel Delibes Kultur Etxean du egoitza. 2022-2023 denboralditik, Thierry Fischer da bere zuzendari titularra.
Denboraldi hau honako kontzertu hauekin hasiko da: Santanderko Jaialdian, Amsterdameko Concertgebouwn eta Stavangerreko Konserthus jaialdietan, Madrilgo Antzoki Monumentalean, Granadako Jaialdian eta Bilboko Musika-Música Jaialdian. Martin Fröst klarinete jotzailearen, Casals laukotearen eta Anna Clyne konpositorearen egoitza artistikoak ditu, baita Vasily Petrenko eta Elim Chan zuzendari elkartuak ere. Besteak beste, bakarlari hauek ditu: Vilde Frang eta Hilary Hahn bakarlariak, Sir Stephen Hough, Jean-Guihen Queyras eta StevenIsserlis, Emmanuel Pahud, Ian Bostridge. Eta zuzendarien artean Josep Pons, Roberto González-Monjas, Hugh Wolff, Christoph Koncz eta nabarmentzen ari diren Ryan Bancroft, Pablo Rus Broseta eta Elena Schwarz.
Bere gizarte- eta hezkuntza-lanaz harro dago, Miradas (Begiradak) programa sozial erraldoiarekin, baita ikasleentzako kontzertuekin eta OSCyL Gaztea sortu berria den orkestrarekin ere.
