“Ulf Englund gitarra-jotzaileak melodia perfektutik jazz-inprobisaziora arteko ibilbidea egin zuen, pasio handiz Barbara Hendricks sopranoa lagunduz”
(Diario de Jérez)
Argi-diseinatzaile zein gitarrista gisa lan ugari egin izan ditu. Duela 30 urte hasi zen argiztapen-diseinatzaile lanetan, Stockholmeko Errege Antzokian, ekoizpen ugari eta garrantzitsuetarako argiztapena sortuz, hala nola Robert Wilsonen “The Black Rider” eta Tom Waits, Rickard Güntherren eszenaratzea, eta Robert Lepagek egindako Strindbergen “Le Song” lanean. Efva Lilja dantza-taldearekin lanean jarraitu zuen, eta Argien Diseinuko Saria jaso zuen 2004an, Suediako Argiztapen Diseinatzaileen Elkartearen eskutik. Ulf Englund, gainera, gitarrista da, bere taldea du, eta rock, blues eta musika klasikoko ikuskizun askotan parte hartu izan du. Europan, Asian, Hego Amerikan, Afrikan eta Ekialde Hurbilean zehar birak egin ditu Barbara Hendricks abeslariarekin eta Magnus Lindberg Quartet taldearekin, besteak beste. Duela gutxi Europa osoan zehar jo izan du, Barbara Hendricksekin batera, “The Road to Freedom” ikuskizunarekin.
