Enrique Correarekin eta Maria de Macedorekin hasi zen ikasten, eta Biolontxeloko eta Zango-biolako Goi Mailako Tituluak lortu zituen Madrilgo Goi Mailako Musikako Errege Kontserbatorioan. Frantziara joan zen, errepertorio klasiko eta erromantikoen interpretazio historizistan espezializatzera, eta, geroago, Suitzara. Bertan, Haute École de Musique de Genève eskolan, Biolontxelo barrokoko eta Zango-biolako Kontzertu-masterrak egin zituen, Bruno Cocset-ekin eta Guido Balestracci-rekin.
Christophe Coin, Anner Bylsma edo Jaap Ter Linden biolontxelisten eskolak jaso ditu, besteak beste, baita Wieland Kuijken eta Jordi Savall zango-biolaren jotzailearenak ere. Zango-biolako eta biolontxelo barrokoko irakaslea da Sevillako Goi Mailako Musika Kontserbatorioan,bai eta La Spagna taldeko zuzendari artistikoa, Francisco de Goya laukoteko kidea, eta Zarabanda, Forma Antiqva edo Accademia del Piacere taldeetako kolaboratzailea ere. Hainbat orkestrarekin batera jardun du, hala nola Helsinki Baroque Orchestra-rekin, Les Musiciens du Louvre-rekin eta RTVEko orkestrarekin.
