Cristina Gómez Godoy (Linares, 1990) Berlingo Staatskapelle orkestrako oboe-jotzaile nagusia da 2013az geroztik, baita Berlingo Universität der Künsteko (UdK) irakasle elkartua ere 2015etik.
2020-2021 denboraldian, «Rising Stars» (goraka doan izarra) aukeratu zuen European Concert Hall Organisation (ECHO) erakundeak. Junge Wilde artista egoiliarra izan zen Dortmundeko Konzerthaus-en (2021-2024).
2022ko otsailean, estreinaldiko albuma argitaratu zuen Warner Classics konpainiarekin, West-Eastern Divan Orchestra (WEDO) eta Daniel Barenboim laguntzaile zituela, Mozart-Strauss oboe concertos izenekoa, hain zuzen.
Bakarlari gisa, orkestra hauekin aritu da, besteak beste: Tonhalle–Orchester Zürich, BBC Scottish Symphony Orchestra, Festival Strings Lucerne (Rheingau Musik Festival 2023 eta 2024), Helsinki Philharmonic Orchestra, Kölner Kammerorchester, Münchener Kammerorchester eta Espainiako OBC, ROSS, OSCyL eta OSN.
Hainbat artista izan ohi ditu lankide; adibidez, Daniel Barenboim, Mario Häring, Michail Lifits, Pablo Ferrández, Sophie Dervaux, Calidore String Quartet eta Streichquartett der Staatskapelle Berlin. Areto hauetan jo du, besteak beste: Carnegie Hall, Ravinia Festival, Pierre Boulez Saal, Lucerne Festival, Musikverein, Elbphilharmonie eta Parisko Philharmonie.
