London Symphony Orchestrako (LSOko) zuzendari laguntzailea da, gaur egun, Nicolò Umberto Foron. 2023ko martxoan, lehen saria irabazi zuen LSOren «Donatella Flick» Zuzendaritza Lehiaketan. Lehenago, 2021ean, «Jeunesse Musicales» Nazioarteko Zuzendaritza Lehiaketa ere irabazia zuen. 2022an, Tanglewood Conducting Fellow (zuzendaritza-bekaduna) aukeratu zuten, eta Peter Eötvösen Mentoretza Programarako hautatu. Dirigieren Deutsches Musikrat forumean ere hartu zuen parte.
Azken denboraldietan, orkestra batzuk zuzendu ditu Foronek; besteak beste, London Symphony Orchestra, Mendelssohn Academy/Gewandhausorchester (Leipzig), Mozarteum Orchester (Salzburgo), Staatskapelle Weimar, Opéra National de Montpellier, Symfonieorkest Vlaanderen eta Tanglewood Festival Orchestra. Era berean, zuzendari ospetsu batzuen laguntzailea izan da; horien artean ditugu, adibidez, Sir Antonio Pappano, Andris Nelsons, Matthias Pintscher, Sir Mark Elder, Daniele Gatti, Jukka-Pekka Saraste, Martyn Brabbins eta Trevor Pinnock.
Denboraldi honetan, Orchestra Sinfonica Nazionale della RAI di Torino, Philharmonisches Orchester des Theaters Freiburg, Opéra National de Lorraine, Orchestre National d’Île-de-France, Deutsches Symphonie-Orchester Berlin eta Orchestre de Chambre de Lausanne orkestrekin emango ditu kontzertuak, eta beste bat Deutsche Stiftung Musikleben orkestrarekin, lbphilharmonie aretoan.
