Musika-ikuspegi oro da baliozkoa, baina instrumentuek eta horien interpretazioak konpositorearen garaia islatzen dutenean, sinergia natural bat sortzen da. Ideia horrekin sortu zuen Josetxu Obregónek La Ritirata, Barrokotik Erromantizismorako errepertorioak esploratzen dituen interpretazio historikoko taldea. Izen horrek Boccherini eta haren boskote ospetsua ohoratzen ditu. Hamazazpi urtean seiehun kontzertu baino gehiago eskaini dituzte hogeita bi herrialdetan, eta RNEren Ojo Crítico saria, Madrilgo Erkidegoko Kultura Saria eta hainbat GEMA sari jaso dituzte. 2024an, besteak beste, Bilboko Musika-Música jaialdian, Marvaoko Nazioarteko Jaialdian (Portugalen) eta Donostiako Musika Hamabostaldian hartu zuten parte; hiru kontzertuko bira bat egin zuten Scarlattiren Il Giardino di Rose lanarekin —Oviedo (Príncipe Felipe auditorioa), Madril (Auditorio Nazionala) eta Valentzia (Palau de les Arts)—, eta Sony/Deutsche Harmonia Mundi zigilurako CD bikoitza argitaratu berri dute. Gainera, 2024an, Movistar+ plataformaren «La vida breve» telesailaren jatorrizko soinu-banda sortu eta grabatu zuten.
